مكافآت زيادات: هدية كل يوم، وسلسلة إبداع، وإنجازات، وبطاقة شهرك

زيادات صارت أحلى كل يوم. مع العضوية جت مكافآت تشجعك تبدع باستمرار، وكلها لك أنت: ما فيه لوحة ترتيب ولا شي يشوفه غيرك.

هدية كل يوم

الأعضاء يفتحون هدية من صفحة حسابهم مرة كل يوم. التقويم سبعة أيام، وكل ما فتحت يوم ورا يوم تكبر الهدية، واليوم السابع هو الكبير: 2، 2، 4، 4، 6، 6، ثم 16 كريدت، مضروبة في هدية خطتك اليومية (Plus ×1، وPremium ×3، وMAX ×6). يعني عضو MAX ياخذ 240 كريدت كل أسبوع من الهدايا اليومية وحدها، فوق هديته الشهرية.

افتح هديتك كل يوم؛ اليوم السابع أكبرها.

سلسلة الإبداع

كل يوم تسوي فيه شي في الاستوديو (تصميم، أو موشن، أو إعلان، أو كابشن…) تزيد سلسلتك يوم، بتوقيت الرياض. وإذا فاتك يوم وأنت عضو، تنحفظ سلسلتك تلقائياً: Plus مرة بالشهر، وPremium مرتين، وMAX أربع مرات.

الإنجازات

15 إنجاز تفتحها من شغلك: أول تصميم، وأول موشن، وأول خطة محتوى، وأول إعلان فيديو، و10 ثم 50 ثم 200 إبداع، و3 أيام ورا بعض، وأسبوع إبداع، وشهر كامل، ووجهك في الإعلان، وهويتك جاهزة، وغيرها. أغلبها يعطيك كريدت، من 5 إلى 150. الكريدت يوصلك بعد أول شراء لك في الاستوديو أو أول عضوية؛ قبلها ينحفظ الإنجاز وينتظر.

إنجازاتك: المفتوح منها بلون، وكل واحد بكريدته.

بطاقة شهرك

من صفحة حسابك اضغط «سوّ بطاقة شهري» وتطلع لك بطاقة بمقاس المنشور: كم إبداع سويت، وكم يوم أبدعت، وكريدت الهدايا، وأطول سلسلة، وأكثر شي سويته. احفظها صورة أو شاركها مباشرة.

بطاقة شهرك: جاهزة للمشاركة.

أرسل لعضو ثاني

الأعضاء يقدرون يرسلون كريدت لأي حساب في زيادات باسم المستخدم، ويوصله على طول. وقبل ما يروح الكريدت تأكّد اسم المستخدم والكمية بضغطة ثانية. ولكل خطة حد يومي: Plus حتى 2,000 كريدت باليوم، وPremium حتى 10,000، وMAX حتى 50,000.

وتقدر ترسل من رصيد زيادات نفسه: يندفع من رصيدك مثل أي طلب ويوصل لرصيد صاحبك، بحد يومي حسب خطتك (من $50 إلى $10,000). ويوصل صاحبك المبلغ اللي دفعته فعلاً، فلو حسابك عليه خصم يوصله المبلغ بعد الخصم. والمبالغ الكبيرة يراجعها فريقنا قبل ما توصل، حماية لك وله.

أرسل لعضو: اختر وش ترسل، واكتب اسم المستخدم والكمية.

أسئلة شائعة

هل الهدية اليومية لغير الأعضاء؟
الهدية اليومية وحماية السلسلة للأعضاء. السلسلة وأغلب الإنجازات وبطاقة الشهر للكل.

متى يبدأ يوم جديد؟
منتصف الليل بتوقيت الرياض.

أرسلت لشخص غلط، وش أسوي؟
الكريدت يوصل على طول وما نقدر نرجعه بدون موافقة المستلم، لذلك تأكد من اسم المستخدم قبل ما تأكّد الإرسال. وإذا احتجت مساعدة، افتح تذكرة.

ابدأ اليوم

افتح صفحة حسابك، وافتح هدية اليوم، وسوّ أول إبداع في الاستوديو عشان تبدأ سلسلتك.